‘बउिडबाट चलचित्रका लागि अफर आउँदा पनि गरिनँ’

ल्याक्मे फेसन विकमा पुगेर आफ्नो फराकिलो पहिचान बनाउन सफल तेस्रोलिंगी मोडल अञ्जली लामा यतिबेला नेपालमा छिन् । भारतकै विभिन्न फेसन शो तथा सुटिङमा व्यस्त रहेकी उनी तेस्रोलिंगी भएर यति ठूलो फेसन शोमा पुग्ने पहिलो तेस्रोलिंगी मोडल हुन् । अधिकांश मोडलको सपना बन्ने गरेको यो फेसन शोमा पुग्न अञ्जलीले नुवाकोटदेखि काठमाडौंसम्म र काठमाडौंदेखि भारतसम्म गरेको संघर्ष तथा फरक लैंगिक पहिचान भएकै कारण भोग्नुपरेको विभेदबारे उनी लामासँग  नरेश फुयाँलले गरेको कुराकानीः

आजकाल नेपालभन्दा पनि इन्डियामा धेरै बस्नुहुन्छ, हैन ?
पछिल्लो एक वर्षदेखि कामका कारण म इन्डियामै बस्दै आएको छु ।

विश्वकै प्रतिष्ठित ल्याक्मे फेसन विकमा पुग्नुभयो, कसरी भयो सम्भव ?
मुख्य कारण त मेरो प्रयास नै हो । अथक प्रयासकै कारण सम्भव भएको हो । मैले हिम्मत गरेको थिइन भने पक्कै पनि पुग्ने थिइन ।

कसरी ल्याक्मे फेसन विकमा जाने सोच आएको थियो ?
सबै जनाको सफलताका पछाडि धेरैको हात हुन्छ । मैले जेजति सफलता पाएँ, त्यसमा पक्कै पनि मेरा आफ्ना आफन्तको हात छ । तर, त्यो भन्दापहिला त मेरो प्रयास नै हो । म गर्नसक्छु भन्ने आँट, मेहनत र लगन चाहिँ आफैंमा हुनुपर्छ, त्यो आँट मैले पनि गरेँ ।

अधिकांश तेस्रोलिंगी त हामीलाई परिवारको साथ हुँदैन, समाजले नै विभेद गर्छ भन्छन्, तपाईंलाई चाहिँ परिवारको साथ थियो ?
सुरुआतको चरणमा त अरुलाई त गाह्रो हुन्छ भने हामी तेस्रोलिंगीहरुलाई त झन् गाह्रो हुने नै भयो । जब मैले सन् २००५ मा आफ्नो यौनिक पहिचान समाजलाई बताएँ, त्यो बेला मेरो पनि कोही थिएन । साथीभाइ, समाज र परिवार कोही पनि थिएन मसँग । मजस्तै साथी थिए र उनीहरुमात्रै थिए मसँग बोल्ने । मलाई कसैले सहयोग गर्दैन भनेर घरभित्रै बसेर कसैले सहयोग गर्दैन । म के गर्ने हो र के गर्नसक्छु पहिला बाहिर आउनुपर्यो, त्यसपछि मात्रै सहयोग गर्ने व्यक्ति भेटिन्छन् ।

सुरुमा आफ्नो पहिचान अरुलाई दिँदा मभोलि यो लेभलको मोडल बन्छु भन्ने थियो ?
पक्कै पनि थिएन ।

अनपेक्षित सफलता हो त्यसो भए ?
म नुवाकोटको विकट ठाउँबाट आएको व्यक्ति । मैले एसएलसी दिँदा टुकी बत्ती बालेर पढ्नुपथ्र्यो । स्कुल जान दुई घण्टा र फर्किन दुई घण्टा हिँड्नुपथ्र्यो । त्यस्तो विकट ठाउँबाट आएको हुँ म । अहिले पनि कति गाउँमा त फेसन र मोडलिङ भनेको थाहा पनि छैन । त्यस्तो ठाउँबाट आएको व्यक्ति हुँ म । जब म काठमाडौं आएँ मेरो हाइटको सबैले तारिफ गर्थे । मोडलिङ गर भन्थे । मैले विस्तारै यो क्षेत्रबारे बुझेँ र यो क्षेत्रबारे केही गर्न सक्छु भनेर मोडलिङमा प्रवेश गरेँ । काम गर्दैगएपछि आत्मविश्वास बढ्दै गयो । कोसिस गर्दै जाँदा आज यो ठाउँसम्म आइपुगेँ ।

सुरुका दिनमा कतिको सजिलो थियो ?
सन् २००९ मा म्यागेजिनका लागि कवर फोटो सुट गरेपछि मेरो मोडलिङको यात्रा सुरु भएको थियो । तर त्यसको दुई वर्षसम्म मैले केही पनि काम पाइन ।

तेस्रोलिंगी मोडल भनेर फरक नजरले हेर्थे कि समान व्यवहार हुन्थ्यो ?
विभेदको नजरले हेर्थे । कति ठाउँमा पाइसकेको कामबाट निकालिन्थ्यो । समान क्षमता भएका साथीहरुले काम पाउँदा मैले पाउँदिन थिएँ । कति शोबाट मलाई मेरो फरक पहिचानकै कारण रिजेक्ट गरियो । तर पनि मैले हिम्मत हारिन । निरन्तर कोसिस गरिरहेँ । जब मलाई अरुले रिजेक्ट गरेर विभेद गर्न थाले, त्यसले नै मलाई आत्मविश्वासी बनायो र बलियो बनाउँदै लग्यो । त्यो बेला मलाई जव विभेद हुन्थ्यो त्यो समय मेरो मनमा कुनै न कुनै दिन गरेर देखाउँछु भन्ने इख हुन्थ्यो ।

ल्याक्मे फेसन विक अधिकांश मोडलको सपना हो, तर सबै त्यहाँसम्म पुग्न सक्तैनन् । कसरी त्यति ठूलो सपना देख्नुभयो ?
जब म नेपालमा मोडलिङ गरिरहेको थिएँ, त्यतिबेला मेरा साथीहरुले तिम्रो हाइट र बडी स्ट्रक्चर राम्रो छ किन इन्टरनेशनल फेसन शोहरुका ट्राइ गर्दैनौ भनेर भनिरहेका थिए । त्यस्तो हौसलाले मलाई पनि ट्राइ गर्न मन थियो । तर मसँग त्यति धेरै पैसा पनि थिएन, स्ट्रङ नेटवर्क पनि थिएन र साथमा पैसा पनि थिएन । सन् २०१६ सम्म आइपुग्दा मैले नेपालमा जति गरेँ, म यहाँभन्दा माथि जाने ठाउँ छैन । त्यसपछि मैले सोचेँ इन्डियामा जाँदा मलाई भाषाको पनि समस्या हुँदैन । सन् २०१६ मा मैले ल्याक्मे फेसन विकमा अप्लाइ गरेँ तर भएन । अर्को वर्ष पुनः प्रयास गरेपछि मात्रै छनोट भएँ ।

इन्डियामा पनि नेपालमा जस्तो विभेद हुँदोरहेछ ?
तेस्रोलिंगीहरुलाई जहाँ पनि विभेद छ । तर भारतमा मेरो करिअर नै विश्वकै प्रतिष्ठित मध्येको एक ल्याक्मे फेसन विकबाट भयो । त्यसले गर्दा मैले यहाँजस्तो विभेद भएन । अहिले त्यहाँ मैले कामहरु पाइरहेको छु । सबैकुरा त भन्न मिल्दैन मैले पनि । तर विभेद कुनै न कुनै रुपमा छ । विकसित राष्ट्रहरुमा त भर्खर अधिकारका कुराहरु आएका छन् भने एशियाली देशमा त झन् विभेद  हुने नै भयो ।

नेपालको तुलनामा बलिउडको मोडलिङमा के फरक पाउनुभयो ?
निश्चय पनि भारतको तुलनामा नेपाल सानो देश हो । यहाँको तुलनामा भारतमा धेरै अवसर पाइन्छ । भारतको मुभी र फेसन विश्वकै टप पोजिशनमा छ । त्यहाँ एउटा सानो अवर पाइयो भने पनि त्यो विश्वभर पुग्छ ।

जे सोचेर तपाईं बलिउड जानुभएको थियो, त्यो पाउनुभयो ?
मान्छे कहिले पनि सन्तुष्ट हुँदैन । सायद त्यो गुण ममा पनि छ । यहाँभन्दा धेरै राम्रो सफलता पाएको छु भन्ने लाग्छ ।

कामप्रति तिव्र इच्छाशक्ति र बलियो आत्मविश्वास भएका नेपाली कलाकार तथा मोडलले विश्वका जुनसुकै चलचित्र तथा फेसन उद्योगमा गएर काम गर्न सक्छन् ?
व्यक्ति स्वयम्मा भरपर्ने कुरा हो यो । आफूले काम गरिरहेको क्षेत्रमा ऊ कति पोख्त छ, यसमा कति ज्ञान छ भन्ने कुराले मुख्य भूमिका खेल्छ । म आफ्नो कुरा गर्दा पनि मैले अझै पनि धेरै सिक्न र गर्न बाँकी छ भन्ने लाग्छ । प्रतिस्पर्धाको कुरा गर्दा म आफ्नो बारेमाभन्दा विश्वको जुनसुकै फेसन शोमा गएर प्रतिस्पर्धामा उत्रिन सक्छु भन्ने लाग्छ । मेहनत गर्दै जाने हो, आत्मविश्वास बढाउँदै लैजाने हो ।

बलिउड गएपछि न्युज कभरेज र आर्थिक पाटोमा भने सन्तुष्ट हुनसक्नु भयो ?
आर्थिक पाटोका कुरा गर्दा अझै सन्तुष्ट हुन सकेको छैन । न्युज कभरेजत मैले धेरै राम्रो पाएको छु । सोचेभन्दा पनि धेरैभन्दा पनि हुन्छ । ल्याक्मे फेसन विकमा छनोट भएँ भने नेपाल र भारतमा म पहिलो तेस्रोलिंगी मोडलको रुपमा स्थापित हुन्छु भन्ने सोचेको थिएँ तर विश्वभर नै चर्चा भयो ।

ल्याक्मे फेसन विकले रातारात सेलिसिब्रेटी बनायो हैन ?
रातारात भन्ने शब्द प्रयोग गर्ने कि नगर्ने भन्ने हो । नेपालमा बसेर धेरै वर्ष संघर्ष गरिसकेको थिएँ ।

तर, तपाईंले नेपालमा गरेको संघर्ष त अधिकांशलाई थाहा थिएन भन्ने स्वीकार्नु हुन्न ?
हो । तर सबैको एउटा समय आउँछ । मलाई त्यो समय अथवा चर्चा ल्याक्मे फेसन विकले दियो । नोटिस ल्याक्मेबाट पाए पनि त्यसका लागि मैले लामो समय नेपालमै संघर्ष गरिसकेको थिएँ ।

न्युयोर्क, लण्डन र पेरिसका विश्वचर्चित फेसन शोमा जाने सोच छ कि, रहर पुग्यो ?
धेरै माथि जानुछ अझै । सबैका सबै इच्छा चहानाहरु पूरा हुन्छन् भन्ने त नहोला तर सपना नै नदेख्ने भन्ने अवश्य हुँदैन । म आशावादी र कोसिस गर्ने व्यक्तिमा पर्छु त्यसैले अझै माथि जाने प्रयासमा छु । सुरुमा नायक बन्ने सपना पालेको व्यक्तिलाई नायक बनिसकेपनि नम्बर वन नायक भन्ने रहर भएजस्तै हो । त्यो रहर ममा पनि छ । वल्र्डकै सुपर मोडल बन्ने रहर मलाई पनि छ ।

त्यसका लागि कहाँकहाँ प्रयास गर्दै हुनुहुन्छ ?
वल्र्डका टपटप फेसन विकमा हिँड्ने रहर साँचेर बसेको छु, त्यसका लागि प्रयास गरिरहेको छु । हेरौं कतिको सफल भइन्छ ।

बीचमा नेपाली चलचित्र ‘लाउरे’ मा काम गर्ने कुरा थियो । तर, पछि ड्रप गरेको कुरा सुनियो । किन ?
निर्माता सुनिल रावलले मलाई चलचित्रका लागि प्रस्ताव गर्नुभयो । मैले त्योसमय भर्खर ल्याक्मे फेसन विकमा काम सुरु गरेकी थिएँ । मलाई अभिनयमा खासै रुची पनि थिएन । मैले मेरा साथीभाइहरुसँग कुरा गर्दा अवसर हो, नयाँ अनुभव पनि हुन्छ गरन त भने । मैले १० दिनका लागि हो भने हुन्छ भनेँ । पछि उहाँहरुको चलचित्रको छायांकनको मिति सर्यो । मैले समय निकाल्न सकिन । त्यसैले त्यो प्रोजेक्ट छोडेँ ।

आगामी दिनमा चलचित्रमा अभिनय गर्नुहुन्छ कि हुन्न ?
चलचित्रमा आउने योजना नै त बनाएको छैन । अभिनयमा त्यती धेरै रुची पनि छैन । तर मैले निभाएको क्यारेक्टरले देश र समाजका लागि सकारात्मक सन्देश दिनसक्छ भने सोच्ने छु । तर, मैले हिरोइन नै बन्ने चाहना पालेर बसेको छैन ।

यो सम्भावना बलिउडमा झन् धेरै रहन्छ होला हैन ?
हो । बलिउडमा पनि मैले माथि भनेजस्तो रोल भएको खण्डमा काम गर्नेछु । तर नायिकाकै रुपमा भने सायद गर्दिन होला । त्यसका लागि म पूर्ण योग्य पनि छैन जस्तो लाग्छ अभिनयका दृष्टिले । म केमा दक्ष छु भन्ने कुरा मैले पनि बुझ्नुपर्छ । बलिउडमा पनि मलाई एकपटक प्रस्ताव आएको थियो । चलचित्र निर्माण युनिटसँग मैले कुरा गरेको पनि थिएँ, तर मलाई स्क्रिप्टमा चित्त बुझेन त्यसैले गरिन ।

साभार : बाह्रखरी

बिहि, चैत्र ८, २०७४ मा प्रकाशित

यसमा तपाइको मत

मनोरंजन बाट अन्य

विश्वका कान्छा निर्देशक सौगात विष्ट निर्देशित ‘हैरान’ को ट्रेलर सार्वजनिक

काठमाडौँ । फिल्म ‘हैरान’ को टिजर सार्वजनिक गरिएको छ । विश्वका कान्छा निर्देशक सौगात विष्ट निर्देशित ‘हैरान’ दोस्रो फिल्म हो । फिल्मको गीत रिलिज गरिएको केही दिनमै फिल्मको टिजर रिलिज गरिएको हो । फिल्मको रिलिज्ड टिजरमा...

हलवालाहरुको राजनीति र हेपाईले गर्दा म दुखि छु ” नेप्टे निर्माता रोहित रुम्बा

काठमाडौं । गत शुक्रबारबाट रिलिजमा आएको फिल्म ‘नेप्टे’का निर्माता तथा कलाकार रोहित रुम्बाले आफूलाई हलवालाहरुले हेपेको बताएका छन् । काठमाडौंमा पत्रकार सम्मेलनको गर्दै निर्माता रुम्बाले आफ्नो फिल्मले ५६ हल पाएको तर ती हलमा शो...

आफ्नो ज्यान हत्केलामा राखी यसरी बचाएका थिए अक्षय कुमारले ऐश्वर्या रायलाई

काठमाडौँ । अक्षय कुमार खुल्ला मन भएका अत्यन्तै स्पष्टवादी व्यक्ति हुन् र उनीसँग हरेक मुश्किललाई सजिलै निपट्न सक्ने खुबी रहेको छ । खेलाडी अक्षय कुमार पर्दामा प्रशस्तै खतरनाक स्टन्टहरु देखाउने गर्छन र उनको यो एक्सन...

यी हुन् विश्वकै ‘बदनाम’ भएका सेलिब्रेटी , यस्ता छन् बदनामीका कारण

स्क्रिनमा देखिएका स्टार तपार्ईका लागि आदर्श लाग्न सक्छन् । तर, यदि यी सेलेब्सको वास्तविक जीवनबारे थाहा भयो भने तपाईलाई उनीहरुप्रति घृणा जाग्न पनि सक्छ । सिनेमा, टेलिभिजन र सामाजिक इभेन्टसमा सभ्य लाग्ने सेलिव्रेटीको बानीमा...

“सब गलत हो मलाई गाउन नदिने भन्ने कुरा सत्य हैन” गायिका ज्योति मगर

पछिल्लो समय मिडियामा आएको कुरा गलत हो भन्दै ज्योति मगरले खण्डन गरेकी छिन । केहि दिन अघि हामीले उनको म्युजिक भिडियो “स्याल कुखुरी” को सुटिंग समय गरेको भिडियो अन्तर्वार्तामा उनले गीत संगीतको क्षेत्रको बारेमा...

ह्यात ग्राउण्डमा २५ रुपैयाँमा भेट्न पाईने भयो गायक राजु लामा लाई / भिडियो सहित

पाली सांगीतिक क्षेत्रको चर्चित ब्याण्ड ‘मंगोलियन हर्ट’ २५ रुपैयाँमै हेर्न पाइने भएको छ । ‘उभोउभो खासा म जाँदा’, ‘नतानुँ त तानुँतानुँ लाग्ने’, ‘बादल पारिको देशबाट’जस्ता गीतमार्फत श्रोता तथा दर्शकको मनमटुमा बस्न सफल ‘मंगोलियन हर्ट’ले २५...

गुल्मेली गायक तथा सर्जक रामु जि सि को शब्द रचना मा भर्खर बजार नंया गित आश्रम l भिडियो

बैशाख ५ काठमाडौं नेपाली लोक गित सङ्गित को क्षेत्रमा आफ्नो छुट्टै पहिचान बनाई सक्नु भएका गुल्मेली गायक तथा सर्जक रामु जि सि को शब्द रचना मा भर्खर बजार नंया गित आश्रम नामक लोक दोहोरी...

मोडलिंग संगै निर्देशनमा सिर्जनाको फड्को – हेर्नुहोस, (भिडियो सहित)

बैशाख ०५, काठमाण्डौ – दर्जनौ भन्दा बढी म्युजिक भिडियोहरुमा अभिनय गरेर चर्चा बटुल्दै गरेकि मोडल सिर्जना पौडेलले निर्देशनमा समेत पाईला चाल्दै छिन । अन्जु पन्तको म संग तिमीले, प्रमोद खरेलको खै कसररी बोलाउ मैले,श्रीयशी चेम्जुंगको...

‘सिरानीसँग रोमान्स गर्थें’ अभिनेत्री आँचल शर्मा

सामीप्यराज तिमल्सेना ‘नाइँ नभन्नू ल ४’ बाट नेपाली फिल्ममा डेब्यू गरेकी हुन्, अभिनेत्री आँचल शर्माले । पहिलो फिल्मबाट औसत प्रतिक्रिया पाएकी आँचल दोस्रो फिल्म ‘जोनी जेन्टलमेन’ले भने आफूलाई राम्री अभिनेत्रीको रूपमा स्थापित गर्ने कुरामा विश्वस्त...

भित्री बस्त्र कति महँगा लगाउँछन् नेपाली सेलिब्रेटी ? – पढ्नुहोस्

सामान्यतया अरूलाई देखाउन र आफ्नो पर्सनालिटीका लागि मान्छेहरू महँगो कपडा लगाउँछन् । तर, बाहिरी कपडाहरू मात्र होइन, भित्री कपडाहरू पनि महँगा र ब्रान्डेडमै मोह बढ्दै गएको छ । ५ हजार रुपैयाँसम्मका अन्डरवेयर र १० हजार रुपैयाँसम्म...