काठमाडौँ । विश्वव्यापी रूपमा फैलिएको कोरोना भाइरसको त्रासका कारण फिल्महरूको प्रदर्शन मिति सरिरहेको छ । केही दिनअघि चलचित्र ‘म यस्तो गीत गाँउछु २’ को प्रदर्शन मिति कोरोना भाइरसकै कारण सार्नु परेको थियो । यसको असर नेपालमा मात्र नभएर हलिउड र बलिउडमा समेत यसको परेको छ । सरकारले कोरोनाको जोखिम न्यूनीकरणका लागि मानिसको भीडभाड हुने कार्यक्रममा रोक लगाएको छ । यसलाई मध्यनजर गर्दै निर्माता सघंले चिलचित्रको छायांकनसमेत रोक्न आह्वान गरेको थियो । त्यसकै प्रभावस्वरूपमा हाल चलचित्रकोे प्रदर्शन मिति रोकिएको हो । चैत ७ गतेलाई प्रदर्शन मिति रहेको चलचित्र ‘नीरफूल’को पनि प्रदर्शन मिति सारिएको छ । निर्माण पक्षले कोरोना भाइरसकै कारण चलचित्र प्रर्दशनको मिति पछि सार्नु परेको बताएको छ । निर्माण पक्षले प्रेस विज्ञप्ति जारी गर्दै फिल्मको प्रदर्शन मिति सारेकाे बताएकाे हाे । ‘नीरफूल’मा दयाहाङ राई, रेखा थापा, शान्ति वाइबा, बुद्धि तामाङ, पुष्कर गुरुङ, जिम्मे छ्योइकी घिसिङ, राजन खतिवडा, सरोज अर्याल, सरिता गिरी लगायतको अभिनय रहेको छ । चलचित्रमा निर्देशक फुलमान वल र सचिन घिमिरेको पटकथा रहेको छ । प्रमोद कार्कीको छायांकन, अर्जुन पोखरेलको संगीत रहेको चलचित्रको सम्पादन निमेष श्रेष्ठले गरेका हुन् । कोरोनाको कारण चलचित्रको प्रदर्शन मिति अनिश्चित कालका लागि सारिएको हो ।