युक्रेनमा रुसले २४ फेब्रुअरीमा सैन्य आक्रमण गरेपछि विश्व बजारमा खाद्यान्न र इन्धनको मूल्य अत्यधिक वृद्धि भइरहेको छ।

अमेरिकी एक संस्था ‘सेन्टर फर ग्लोबल डेभलपमेन्ट’ (सिडिजी) ले यो महंगी यही दरमा बढ्ने हो भने आगामी दिनमा विश्वका ४ करोड मानिस गरिबीको रेखामुनि पुग्ने चेतावनी दिएको छ।

यसले युक्रेन कृषि उत्पादन र बजारको लागि महत्वपूर्ण देश हो भन्ने अर्थ्याउँछ। विश्वमा उत्पादन हुने गहुँमा २९ प्रतिशत रुस र युक्रेनकाे हिस्सा रहेकाे छ।

विश्वको ६ मध्ये १ भाग अति उर्वर भूमि रसिया र बेलारुसमा छ। संस्थाका अनुसार मूल्यवृद्धिको असर व्यापक रुपमा महसुस हुनेछ। तर यसले सबैभन्दा धेरै असमान रुपमा गरिब देशलाई प्रभावित पार्नेछ।

सिडिजीका विशेषज्ञहरुले अन्न उत्पादक देशहरु, जी २० सहितलाई आफ्नो बजारलाई बिनासर्त खुल्ला राख्न, सरकार र अन्तर्राष्ट्रिय एजेन्सीहरुलाई ‘छिटो र उदारतापूर्वक’ काम गर्न सुझाव दिएका छन्।

तस्बिर – गेट्टी इमेज