राजनीति
आइतवार, आषाढ ७ २०७७

विदेशी बुहारी र ज्वाइँलाई नागरिकता दिन फरक मापदण्ड नराखौँ: बाबुराम भट्टराई

कामना न्यूज

3.2K

विदेशी बुहारी र ज्वाइँलाई नागरिकता दिन फरक मापदण्ड नराखौँ: बाबुराम भट्टराई

काठमाडौँ । पूर्व प्रधानमन्त्री तथा जनता समाजवादीका पार्टीका बरिस्ठ नेता डा. बाबुराम भट्टराईले वैवाहिक नागरिकतामा विदेशी महिला र पुरूषका लागि फरक मापदण्ड नराख्न सुझाव दिएका छन् ।

लैंगिक विभेद देखिनु न्याय र लोकतन्त्रसम्मत नभएको जनाउँदै नेता भट्टराईले ‘बाबु वा आमा’बाट नागरिकता भने पनि आमाबाट नागरिकता नदिने प्वालहरू रहेको उल्लेख गरेका छन् ।

तेश्रो लिंगीलाई स्वघोषणाबाटै पहिचानसहितको नागरिकता प्रदान गर्नुपर्ने भट्टराइले ट्वीटमार्फत् सुझाव दिएका हुन् ।

वैवाहिक अंगीकृत नागरिकताको प्रावधानका विषयमा बहस भइरहेका बेला नेता भट्टराईले उक्त सुझाव दिएका हुन् । राज्यव्यवस्था समितिले विधेयकका विवादित विषयलाई आइतबार टुंगाउन लागेको छ ।

नागरिकतासम्बन्धी विधेधकमा लैंगिकविभेद देखिनु न्याय/लोकतन्त्रसम्मत भएन।आजै सच्याऊँ:१.वैवाहिक नागरिकतामा विदेशी महिला र पुरूषलाई फरक मापदण्ड नराखौं;२.’बाबु वा आमा’बाट नागरिकता भनेपनि आमाबाट नागरिकता नदिने प्वालहरू छन्,टालौं;३.तेश्रो लिंगीलाई स्वघोषणाबाटै पहिचानसहितको नागरिकता दिऊँ!
— Baburam Bhattarai (@brb1954) June 21, 2020