फिल्म उद्योगबाट प्रायः यस्ता खबर बाहिर आउछन्, जुन खबर सुन्दा मानिसहरु अचम्मित हुन्छन् । खास गरी हलिउडमा यस्ता मामला धेरै सुनिन्छन् ।

हलिउडमा निर्देशकहरुलाई अभिनेत्रीहरुले फिल्मको सेटमा छलेर अन्तरंग दृश्य छायांकन गर्छन् भन्ने आरोप लगाउने गर्दछन् । यो कुरा उनीहरु फिल्म रिलिजको वर्षौपछि मात्र खुलासा गर्छन् ।

प्रख्यात अमेरिकी अभिनेत्री शेरन स्टोनले आफ्नो संस्मरण ‘द ब्यूटी अफ लिभिङ ट्वाइस’मा यस्तै एउटा रहस्यको खुलासा गरेकी छन् ।

अमर उजालामा प्रकाशित समाचार अनुसार उनले सन् १९९२ मा रिलिज फिल्म ‘बेसिक इन्सटिङ्ट’को बारेमा एउटा गम्भीर खुलासा गरेकी हुन् ।

६४ वर्षीया अनुभवी अभिनेत्रीले निर्देशकले आफूलाई झुक्याएर गोप्य अंगको छायांकन गरेको खुलासा गरेकी छन् । यो त्यही फिल्म हो, जसले शेरनलाई सुपरस्टार बनाइदियो । तर उनले यो फिल्मबाट कैयौं समस्याको सामना गर्नुपर्यो ।

फिल्ममा शेरनको भूमिका केथरीन ट्रामेलको थियो । जो बाइसेक्सुअल हत्यारा हुन्छिन् । ‘फिल्मको सुटिङका समयमा मलाई भित्री कपडा उतार्न भनिएको थियो । तर मलाई त्यो बेला थाहा थिएन कि यसो गरेर निर्देशकले मेरो गोप्य अंग खिच्छन् भनेर’, उनले पुस्तकमा लेखेकी छन् ।

सुटिङपछि शेरनलाई निर्देशक पल वेरहोवेनले एक कोठामा बोलाएका थिए । त्यो कोठा एजेन्ट र वकिलले भरिएको थियो । ती मानिसको फिल्ममा कुनै काम थिएन ।

‘त्यो समयमा मैले पहिलोपटक आफ्नो गोप्य अंगको सुटिङ देखें । यसअघि हामीलाई केही पनि हेर्ने अधिकार दिइएको थिएन । सुटिङको समयमा मलाई ‘तपाईंको अन्डरगारमेन्टले लाइटलाई प्रभावित बनाइरहेको छ । यसलाई हटाउनुपर्छ’ मात्र भनिएको थियो’, उनले लेखेकी छन् ।

यसपछि उनी रिसाएर निर्देशकलाई थप्पड मारिन् । यो मामलामा उनले वकिलको पनि सहयोग लिइन् । सन् २०१९ मा बर्लिनको ‘जीक्यू अवार्ड’मा पनि शेरनले यो कुराको खुलासा गरेकी थिइन् । जुन अवार्डमा उनका छोरा रोअन दर्शकका रुपमा सबै कुरा सुनिरहेका थिए ।