११ असार, काठमाडौं ।

नेपाली कांग्रेसको प्रबाश  शुभेच्छुक संस्था नेपाली जनसम्पर्क समिति दक्षिण कोरियाको अधिवेशन आगामी जुलाई १२ मा  दक्षिण कोरियाको राजधानी  सौलमा हुने भएको छ। अधिवेशनमा सहभागी हुन नेपाली कांग्रेसकी उपसभापति पुष्पा भुसाल र प्रतिनिधिसभा सदस्य एवं नेपाली कांग्रेसका सचेतक निस्कल राई दक्षिण कोरिया जाने  भएका छन्।

अधिवेशनलाई सम्बोधन गर्दै उहाँहरूले दक्षिण कोरियामा रहेका नेपाली समुदायसँग भेटघाट, अन्तरक्रिया तथा समसामयिक विषयमा विचार आदान-प्रदान गर्ने कार्यक्रम रहेको जनाइएको छ। समितिका सभापति भजिन्द्र क्षेत्रीका अनुसार अधिवेशनको तयारी तीव्र रूपमा अघि बढिरहेको छ कोरियाका ८ वटै  क्षेत्रबाट प्रतिनिधिहरूको उल्लेखनीय सहभागिता रहने  छ।

अधिवेशनमा प्रवासी नेपालीबीच नेपाली कांग्रेसको संगठन विस्तार, समसामयिक राजनीतिक मुद्दा तथा प्रवासी नेपालीका साझा सरोकारका विषयमा गहन छलफल हुने  छ। साथै, दक्षिण कोरियामा रहेका नेपाली श्रमिक, विद्यार्थी तथा व्यवसायीहरूको हकहित, चुनौती र अवसरबारे पनि विशेष बहस हुने आयोजकले जनाएको छ। यस अधिवेशनले दक्षिण कोरियामा नेपाली कांग्रेसप्रति आबद्ध शुभेच्छुकहरूबीच एकता, सहकार्य र संगठनात्मक मजबुती थप सुदृढ बनाउने विश्वास लिइएको छ।