आज बिहिबार सुनको भाउ घटेको छ । बुधबार तोलाको १ लाख ५ हजार ५ सय रुपैयाँमा कारोबार भएर हालसम्मकै उच्च मूल्यमा पुगेको सुनको भाउ आज भने घटेको हो । 

आज सुनको भाउ तोलामा ३५ सय रुपैयाँले घटेर प्रतितोला १ लाख २ हजार रुपैयाँ कायम भएको छ । 

आज तेजाबी सुनको भाउ पनि तोलामा ३५ सय रुपैयाँले नै घटेर प्रतितोला १ लाख १ हजार ५ सय रुपैयाँमा कारोबार भईरहेको छ । नेपाल सुनचाँदी व्यवसायी महासंघले आज प्रति १० ग्राम छापावाला सुनको भाउ ८७ हजार ४ सय ५० रुपैयाँ, प्रति १० ग्राम तेजावी सुनको भाउ ८७ हजार २० रुपैयाँ कायम गरेको छ ।